ڊگھڙي: ڊگهڙي ۾ اويئر ايجوڪيشنل سسٽم، شاهھ عبدالطيف پبلڪ اسڪول، گورنمينٽ لوئر ايليمينٽري اسڪول غلام محمد جروار ۾ تقريبون منعقد ڪيون ويون. اويئر ايجوڪيشنل سسٽم ۾ ڪوٺايل تقريب ۾ سينيئر استاد قلندر علي شاهھ، شاگردن ذيشان مصطفى، تمنا ارباب، ماهنور، عبدالغفور نوحاڻي ۽ ٻين تقريرون ڪري ٽيبلوز پيش ڪري ڌرتي کي ڀيٽا پيش ڪئي. ٻئي طرف شاهھ عبداللطيف پبلڪ اسڪول ۾ پڻ رنگارنگ تقريب ڪوٺائي وئي، تقريب کي پرنسپال احسان علي کوسو،افسرياب، شاگردن علي شناور شاھه، شاهجهان، آمنه ۽ ٻين خطاب ڪيو. جڏهن ته اسڪولي ٻارڙن علي حسنين، عائشه، جيا، عليشا، زينب، ايمان ۽ ٻين ٽيلبوز پيش ڪري تقريب کي چار چنڊ لڳائي ڇڏيا. هوڏانهن گورنمينٽ لوئر ايليمينٽري اسڪول غلام محمد جروار ۾ شاندار تقريب منعقد ڪئي وئي، جنهن کي اسڪول جي هيڊ ماستر ارشد آرائين، حفيظ جروار، سجاد علي جروار، اشوڪ ڪمار، آفتاب احمد ۽ ٻين خطاب ڪندي قومي عيد ڀرپور طريقي سان ملهائڻ جو اعلان ڪيو. خانگي اسڪول پرائم ڪي جي ۾ پڻ تقريب ڪوٺائي وئي.
