اسلام آباد:اڪستان تحريڪ انصاف جي چيئرمين عمران خان جي زال بشريٰ بي بي ۽ ذولفي بخاري جي مبينا آڊيو اچي وئي. هن آڊيو جي شروع ۾ ذولفي بخاري کي بشريٰ بي بي کي سلام ڪرڻ کانپوءِ سندس خيريت پڇندي ٻڌي سگهجي ٿو ته ذولفي بخاري جي سلام جي جواب ۾ بشريٰ بي بي چيو ته وعليڪم سلام اوهان ڪيئن آهيو. ذولفي بخاري جواب ۾ چيو ته آئون ٺيڪ آهيان، مرشد اوهان ڪيئن آهيو. بشريٰ بي بي چيو ته الله جو شڪر، الحمدالله، خانصاحب جو ڪجهه گهڙيون آهن. اوهان ڏانهن اماڻي ڇڏيان، گهڙيون ان جي استعمال جون نه آهن. هو چاهي ٿو ته اوهان وڪرو ڪري ڇڏيو. هن چيو ته اوهان ڏانهن اماڻي ڇڏيان، اوهان انهن کي ڪٿي وڪرو ڪري ڇڏيو. ذولفي بخاري جواب ڏنو ته ضرور مرشد، وڪرو ڪري ڇڏيندس. ٻئي طرف مبينا آڊيو ليڪ تي ٽوئيٽر تي جاري ڪيل بيان ۾ ذولفي بخاري چيو ته اڳ چيو ويو ته عمر ظهور نالي ڪنهن شخص کي فرح گجر ذريعي گهڙيون کپايون ويون، انهن کي ليگل نوٽيس موڪليو ته هاڻ نئين ڪهاڻي سامهون اچي وئي ته گهڙي منهنجي ذريعي کپائي وئي. هن چيو ته وضاحت سان چوان ٿو ته ڪا گهڙي نه مون ورتي نه کپائي، اهڙي قسم جي ڪٽ، ڪاپي، پيسٽ آڊيو ته ڪاليج جا ٻار به ٺاهي ويندا آهن، ان جي فوري طور فرانزڪ ڪرائي وڃي، پئسا پنهنجي کيسي مان ڏيڻ لاءِ تيار آهيان.
