حيدرآباد: حيدرآباد ۾ تيز رفتار ٽرالر موٽرسائيڪل سوار پي پٽ کي چيڀاٽي ماري ڇڏيو. حادثي بعد ڊرائيور فرار ٿي ويو. خبر موجب حيدرآباد جي ڀٽائي نگر ٿاڻي جي حد بائي پاس وٽ تيز رفتار ٽرالر موٽر سائيڪل کي ٽڪر هنيو، ٽڪر دوران 40 ورهين جو حضور بخش مري ۽ سندس 6 ورهين جو پٽ سلمان موقعي تي ئي فوت ٿي ويا. اطلاع ملڻ تي ايڌي رضاڪارن لاش سول اسپتال پهچايا. قانوني ڪارروائي بعد لاش وارثن حوالي ڪيا ويا. فوتي پي ۽ پٽ ڪوٽڙي جا رهواسي ٻڌايا ويا آهن. لاش گهر پهچڻ تي ڪهرام مچي ويو. جڏهن ته ٽرالر ڊرائيور فرار ٿي ويو. ٽرالر پوليس تحويل ۾ وٺي ڇڏيو آهي.
