ملڪي تاريخ جي رڪارڊ مهانگائي تي عوام جو صبر حيران ڪندڙ آهي:فواد چوڌري

تحريڪ انصاف جي اڳواڻ فواد چوڌري چيو آهي ته ملڪ جي تاريخ ۾ پهريون ڀيرو مهانگائي جي شرح رڪارڊ 31 سيڪڙو تائين پهچي وئي آهي پر اڃا به عوام صبر جو مظاهرو ڪري رهيو آهي، جيڪا حيران ڪندڙ ڳالهه آهي، نه ته اهڙي معاشي تباهي کانپو ردعمل اچڻ گهرجي ها. ٽوئيٽر تي پنهنجي پيغام ۾ اڳوڻي وفاقي وزير چيو ته خطرو ان ڳالهه جو آهي ته جيڪڏهن ملڪ ۾ بنا ڪنهن قيادت جي احتجاج شروع ٿي ويا ته ان انتشار ۽ وڳوڙن کي ڪير روڪيندو.