اسلام آباد : وزيراعظم شهباز شريف يوم تڪريم شهدا پاڪستان ۾ ڀرپور شرڪت تي قوم جو ٿورو مڃيندي چيو آهي ته اسان گڏجي هڪ ريڊ لائين مقرر ڪئي آهي ته 9 مئي جهڙا واقعا ناقابل برداشت آهن. ڇنڇر ڏينهن پنهنجي ٽوئيٽ ۾ هن چيو ته اهو ڏينهن پوري قوم طرفان اسان جي شهيدن ۽ غازين لاءِ ٿوري جي اظهار جون تقريبون هيون. وزيراعظم چيو ته اسان گڏجي هڪ ريڊ لائين طئي ڪئي آهي ته 9 مئي جهڙو رويو برداشت جوڳو ناهي. وزيراعظم چيو ته زنده قومون پنهنجي محسنن ۽ هيروز جي عزت ۽ وقار کي برقرار رکنديون آهن جن پنهنجي زندگي جي سڀني کان وڏي قرباني پيش ڪئي ته جيئن ملڪ جو عوام امن سان رهي سگهي.
