ورڪشاپ لڳ واڍڪي پتڻ کان نارا ڪئنال تائين پل جي تعمير لا رهواسين جو احتجاج

ورڪشاپ: ورڪشاپ ڀرسان واڍڪي پتڻ کان نارا ڪئنال کي پل نه ھجڻ ڪري علائقي واسي عذاب ۾ اچي ويا. رهواسين وزير ملاح، زوار ملاح، ذوالفقار شر، ڪمال الدين ملاح، غلام حسين شر، ممتاز، گل بھار، جبار شهباز ملاح، اختر ملاح ۽ ٻين احتجاج ڪندي ميڊيا کي ٻڌايو ته 40 سالن کان عذاب ۾ آھيون، واڍڪي پتڻ کان نارا ڪئنال کي پل نه ھجڻ ڪري رهواسين کي شهر اچڻ لاءِ واڍڪي پتڻ کان پل نه ھجڻ ڪري ھر وقت موت جو خوف رھي ٿو، 40 سال کان دانھون ڪريون پيا، پر ڪير ٻڌڻ وارو ناهي. هنن ايم اين اي نويد ڏيرو، ايم پي اي خليفي علي غلام نظاماڻي کان مطالبو ڪيو ته واڍڪي پتڻ کان نارا ڪئنال تي پل تعمير ڪرائي وڃي.