سکر: سکر جي سنگرار واري علائقي مان 22 مهينا اڳ عاشوري جي موقعي تي عزادارن ۾ سبيل ورهائڻ دوران اغوا ٿيل ٻارڙي پريا ڪماري کي پوليس بازياب ڪرائڻ ۾ ناڪام ٿي وئي آهي، جنهن ڪري نياڻي جي غم ۾ ما جي لڙڪ هارڻ سبب حالت خراب ٿي وئي آهي، ان حوالي سان معصوم نياڻي جي پي لڙڪ لاڙيندي چيو ته پريا ڪمار جي اغوا کي ٻه سال ٿيڻ وارا آهن، پر پوليس سميت هتان جي چونڊيل نمائندن اسان جي سار نه لڌي آهي، ڌي ڪهڙي حال ۾ هوندي؟ پريا جي ما به روئي روئي حال هيڻان ڪري ڇڏيا آهن. هن وڌيڪ ٻڌايو ته پريا به سنڌ جي نياڻي آهي، ان جي واپسي لا آواز اٿاريو وڃي.
