حيدرآباد: کڏهڙو، پڊعيدن، پيرولاشاري ۽ ڀرپاسي ۾ رات تيز هوا سان برسات ڪم لاهي ڇڏيا. ان سلسلي ۾ پيرو لاشاري شھر ۾ برسات سبب پاڻي بيهي رهيو. جڏهن ته ڳوٺ ميون ملوڪ جوڻيجو ۾ تيز هوا سان گڏ برسات سبب ڪيترن ئي ڪکائين گهرن جا ڇپرا اڏامي ويا. 11 هزار وولٽيج وارا 3 ٿنڀا به ڪري پيا، جنهن سبب 3 ڳوٺن جي بجلي معطل ٿي وئي، اڄ عيد هجڻ باوجود عملي بجلي فراهمي لا ڪجهه نه ڪيو. پڊعيدن ۾ برسات سبب مختلف علائقن ۾ پاڻي جمع ٿي ويو، جنهن دوران 10 ڪلاڪ بجلي به بند رهي. کڏڙو جي سانوڻ شاهه ڪالوني ۾ گهر جي ڇت تي برساتي پاڻي بيھڻ سبب لڇمڻ جهنڊھوڙو جي گهر جي ڇت ڪري پئي، جنهن سبب 2 عورتون ۽ 2 ٻار راول جنڊهوڙو ۽ رام جي جنڊهوڙو زخمي ٿي پيا، جن کي اسپتال آندو ويو، گهر جي ڇت ڪرڻ سبب پورهيت گهرڀاتين سميت کليل آسمان هيٺ ويٺل آهي.
