
ڀٽ شاهه/هالا: ھالا پراڻا ۾ عوام جي تفريح لاءِ سول سوسائٽي سنڌ پاران پاڪستان ايئر فورس جي سهڪار سان سنڌو ڪناري لڳايل ايف 7 ايئر ڪرافٽ جي افتتاحي تقريب مهراڻ پيراڊائيز پڪنڪ پوائنٽ تي ڪوٺائي وئي، جنهن ۾ پاڪستان ايئرفورس جي ايئر ڪمانڊر شبير احمد خان، اسسٽنٽ ڪمشنر ھالا ڊاڪٽر مظاھر علي ٻرڙو، چيئرمين سول سوسائٽي گلفام شاھه، ونگ ڪمانڊر ڪوثر لطيف ميمڻ ۽ ٻين شرڪت ڪئي. تقريب جي شروعات پاڪستان جو جھنڊو ڦڙڪائڻ بعد ڪئي وئي. ايئر ڪمانڊر شبير احمد خان ۽ ٻين خطاب ڪندي چيو ته سنڌو ڪناري ايئرفورس جو جھاز لڳائڻ سان سنڌو جي سونهن ۾ اضافو ٿيندو، جيڪي ماڻھو تفريح لاءِ ڪراچي يا حيدرآباد جو رخ ڪندا ھئا، اھي ھاڻ پنھنجي گهرڀاتين سان گڏ ھن تفريح گاهھ تي اچي لطف اندوز ٿيندا.