اسلام ڪوٽ ويجهو چونئري تي کنوڻ ڪري پئي، زال مڙس فوت

اسلام ڪوٽ: اسلام ڪوٽ ڀرسان برسات دوران کنوڻ ڪرڻ سبب زال ۽ مڙس فوت ٿي ويا. گذريل رات برسات دوران اسلام ڪوٽ تعلقي جي ڳوٺ ڀوتاڙو ۾ هڪ گهر مٿان کنوڻ ڪري پئي، جنهن جي نتيجي ۾ 40 ورهين جو چيتن ڀيل ۽ سندس زال 35 ورهين جي رڌو ٻائي ٿڏي تي فوت ٿي ويا،چيو وڃي ٿو ته ٻئي زال مڙس پنهنجي ٻارن سان گڏ چوئنري اندر ستا پيا هئا ته اوچتو کنوڻ ڪري پئي، جنهن سبب زال مڙس فوت ٿي ويا، جڏهن ته واقعي بعد گهر ۾ ڪهرام مچي ويو، هڪ ئي وقت گهر مان زال مڙس جا لاش کڄڻ وقت ڪهرام مچي ويو ۽ سڄي ڳوٺ ۾ ماحول سوڳوار بڻجي ويو.