پاڪستان ۽ ويسٽ انڊيز جي رانديگرن ڪالهه پنهنجي پنهنجي پريڪٽس واري سيشن کي ملتوي ڪري آرام ڪيو آهي، اهي سڀاڻي ميدان تي اچي پريڪٽس ڪندا. ميڊيا مطابق پاڪستان ۾ ٽن ون ڊي ۽ ٽن ٽي 20 ميچن واري سيريز کيڏڻ خاطر ڪراچي پهتل مهمان ٽيم آرام ڪندي ڏينهن گذاريو آهي. جڏهن تھ پاڪستاني ڪرڪيٽرن جي ڪرونا ٽيسٽ نيگيٽو آئي، جن ميچ لا ڀرپور تياري ڪئي آهي. هوڏانهن هوم سيريز ۾ ميدان تي مداح آڻڻ جي اعلان بعد ٽڪيٽون پڻ جاري ڪيون ويون آهن، پر شوقينن انهن جي خريداري ۾ دلچسپي ناهي ڏيکاري ۽ روبرو توڙي آن لائين ٽڪيٽن جي وڪري جي شرح گهٽ آهي.
