ٽرپل ايڇ دل آڏو مجبور ٿي ريسلنگ کان ڌار ٿي ويو

آمريڪا سان تعلق رکندڙ مشهور ريسلر پال مائيڪل ليوسق عرف ٽرپل ايڇ دل جي تڪليف سبب ريسلنگ جي دنيا کي الوداع چئي ڇڏيو آهي. ميڊيا مطابق ٽرپل ايڇ گذريل سال نومبر ۾ دل جي سرجري ٿيڻ بعد ريسلنگ جي رنگ ۾ ٻيهر نھ اچڻ جو فيصلو ڪيو آهي. ان حوالي سان ٽرپل ايڇ جو چوڻ آهي تھ منهنجي دل جي ڌڙڪن سنڀالڻ وارو اوزار سيني ۾ لڳل آهي، تنهنڪري مان مرڻ نٿو چاهيان. هن چيو تھ هاڻ ڪڏهن نھ رنگ ۾ ايڪشن ۾ نظر نھ ايندس، ڇاڪاڻ تھ منهنجي خيال ۾ لائيو ٽي وي ۾ مرڻ جو خيال بهتر نھ آهي.