سريلنڪا ويمن کي ٻي ون ڊي ۾ شڪست، ڀارت سيريز کٽي ورتي

سريلنڪا جي ويمن ڪرڪيٽ ٽيم کي ڀارت ويمن هٿان ٻي ون ڊي ميچ ۾ 10 وڪيٽن تان شڪست ملي آهي، جنهن سان ڀارت ويمن سيريز پڻ کٽي ورتي آهي. ميڊيا مطابق ڀارتي ويمن بالر رينوڪا سنگهه 4 وڪيٽون وٺي سريلنڪا کي 173 رنسن تي آئوٽ ڪري ڇڏيو. ڀارت ويمن جي اوپنر سمرتي مندنا 94 ۽ شيفالي ورما 71 رنسن جي ناقابل شڪست اننگز ٽيم کي ڪاميابي ڏياري ڇڏي آهي. جڏهن تھ سريلنڪن بالر وڪيٽ وٺي نھ سگهي. جڏهن تھ بيٽنگ دوران هڪ بيٽر ايما ڪنچنا 47 رنسون ٺاهي نمايان رهي آهي.