وومنز بگ بيش ليگ ۾ ايڊيليڊي اسٽرائيڪرس ۽ ميلبورن رينيگيڊز پنهنجون پنهنجون ميچون کٽي ورتيون آهن. ميڊيا مطابق آسٽريليا ۾ جاري وومنز ليگ جي اهم مقابلن ۾ ڪالهه اينڊيليڊ اسٽرائيڪرس جو مقابلو سڊني ٿنڊر سان ٿيو، جنهن ۾ ايڊيليڊ اسٽرائيڪرز پهرين کيڏندي 140 رنسون ٺاهيون، جنهن جي موٽ ۾ سڊني ٿنڊر 110 رنسن تي آئوٽ ٿي وئي. جڏهن تھ ٻي ميچ ۾ هوبارٽ هيوريڪينز پهرين بيٽنگ ڪندي 121 رنسون ٺاهيون، جنهن جي موٽ ۾ ميلبورن رينيگيڊز آخري اوور ۾ هدف ماڻي ڪاميابي حاصل ڪئي. جڏهن تھ ٽهليا ميڪگراٿ 42 رنسون ۽ ٽي وڪيٽون وٺڻ تي پليئر آف دي ميچ جو ايوارڊ ورتو.
