پاڪستان جي ڪرڪيٽ ٽيم مٿان انگلينڊ هٿان ڪلين سوئيپ شڪست جي تلوار اڀي ٿي وئي آهي، ڇاڪاڻ تھ انگلينڊ کي آخري ٽيسٽ ۾ فتڄ ماڻڻ جي ڏس ۾ باقي رڳو 15 رنسن جي ضرورت آهي ۽ ان وٽ 8 وڪيٽون ۽ پورا 2 ڏينهن پيا آهن. پاڪستاني بيٽنگ لائين ٻي اننگز ۾ انگلينڊ خلاف رڳو 216 رنسن تي ڍير ٿي وئي آهي، جنهن ۾ ڪپتان بابراعظم 54 ۽ سعود شڪيل 53 رنسن سان نمايان رهيا، جڏهن تھ اوپنر عبدالله شفيق 26، شان مسعود 24، آغا سلمان 21، محمد رضوان 7، نعمان علي 15، محمد وسيم 2 رنسون ٺاهي سگهيا آهن، جنهن بعد پاڪستان انگلينڊ کي 167 رنسن جو هدف ڏنو آهي. انگلينڊ جي ريحان احمد پاڪستان جا 5 شڪار ڪيا، جيڪ ليچ 3 وڪيٽون ورتيون. هوڏانهن انگلينڊ جي ٽيم 167 رنسن جي هدف پويان کيڏندي 2 وڪيٽن تي 112 رنسون ٺاهي ورتيون آهن، جنهن ۾ زيڪ ڪرائولي 41 ۽ ريحان احمد 10 رنسون ٺاهي آئوٽ ٿيا ۽ هن راند ختم ٿيڻ تي بين ڊڪيٽ 50 ۽ بين اسٽوڪس 10 رنسن سان ڪريز تي موجود آهن.
