پي سي بي جي سليڪشن ڪاميٽي ۾ ڪم کان معذرت ڪرڻ بابت ڪامران اڪمل جي فيصلي جا سبب سامهون اچي ويا آهن، جنهن تحت پي سي بي جي سخت شرطن سبب ڪامران اڪمل سليڪشن ڪاميٽي جو عهدو ڇڏيو آهي. ذريعا ٻڌائين ٿا تھ ٽي وي چينل پاران پي ايس ايل تي تبصرن جي آڇ بعد پي سي بي ڪامران کي ڪيل معاهدو ياد ڏياريو ۽ چيو تھ معاهدي تحت آڇ نٿي قبولي سگهجي. ذريعن موجب بورڊ ٽي وي تي تبصرو يا عهدو رکڻ مان هڪ جو آپشن ڏنو، ڪامران سليڪشن ڪاميٽي جو عهدو ڇڏي ڏنو. ذريعن موجب بورڊ جي هڪ عهديدار ٻڌايو تھ ڪامران پي ايس ايل بعد سليڪشن ڪاميٽي ۾ دلچسپي ڏيکاري تھ غور ڪيو ويندو.
