انگلش پريميئر ليگ جي فٽبال مقابلن ۾ آرسنل، مانچيسٽر سٽي ۽ آسٽن ولا پنهنجي پنهنجي ميچن ۾ ڪاميابي ماڻي ورتي آهي. ميڊيا مطابق فٽبال جي مقابلن ۾ ڪالهه انتهائي دلچسپ راند کيڏي وئي آهي، جنهن ۾ ايورٽن کي آسٽن ولا 2 گول ڪري شڪست ڏني، ايورٽن ڪوبھ گول نھ ڪيو. ليسيسٽر خلاف ميچ ۾ آرسنل اڪيلو گول ڪري ڪاميابي حاصل ڪئي آهي. جڏهن تھ ٽين ميچ ۾ مانچيسٽر سٽي 4 گول ڪري واضع فرق سان بورني مائوٿ کي شڪست ڏني آهي، بورني مائوٿ هڪ گول ڪري سگهي آهي. مانچيسٽر سٽي 200 ميچن جي ڪاميابي وارو تعداد مڪمل ڪري منفرد اعزاز ماڻي ورتو آهي.
