ويمن نمائشي ميچون سڀاڻي کان شروع، ٽرافي جو مهورت ڪيو ويو

پاڪستاني ڪرڪيٽ جي تاريخ ۾ عورتن جي ڪرڪيٽ ليگ جون نمائشي ميچون سڀاڻي کان شروع ٿي رهيون آهن، جنهن جي ٽرافي جو مهورت پڻ ڪيو ويو آهي. ميڊيا مطابق پنڊي ۾ ٻن مک ٽيمن جي ڪپتانن ندا ڊار ۽ بسما معروف ويمنز ليگ ميچن جي ٽرافي جو مهورت ڪيو ۽ ان سان گڏ پوز ڏئي تصويرون پڻ ٺهرايون آهن. هوڏانهن سڀاڻي پنڊي جي ميدان تي پهرين ميچ ايمازون ۽ سپر ويمن ٽيمن وچ ۾ کيڏي ويندي. جڏهن تھ ڏيهي ۽ پرڏيهي ڪرڪيٽرياڻين پريڪٽس پڻ ڪئي آهي.