بنگلاديش سميت هر سيريز اسان وٽ اهم آهي: بابراعظم

پاڪستاني ڪرڪيٽ ٽيم جي ڪپتان بابراعظم چيو آهي تھ بنگلاديش سميت هر ايندڙ ڪرڪيٽ سيريز اسان وٽ اهم سمجهي ويندي آهي. پريس ڪانفرنس دوران سوالن جا جواب ڏيندي هن ٻڌايو تھ اسان کي ان ڳالهه جي سمجهه آهي تھ بنگلاديش پنهنجي هوم گرائونڊ تي ڪڏهن بھ آسان هدف ناهي رهيو، تنهنڪري گهربل حڪمت عملي جوڙي آهي. هن چيو تھ آسٽريليا ۾ رٿيل ورلڊ ڪپ بابت پلان ذهن ۾ آهي، سليڪٽرز سان مشورو ڪندس پر هينئر اهو فوڪس ۾ ناهي.