ورلڊ ڪپ 2023ع لاءِ ڪواليفائي ڪرڻ کان رهجي ويل ويسٽ انڊيز جي ڪرڪيٽ ٽيم 7 سالن بعد ڀارت کان ٽي 20 سيريز کٽي ورتي آهي. ميڊيا مطابق 5 ميچن واري ٽي 20 سيريز ۾ ويسٽ انڊيز 3 ميچن کٽي سيريز پنهنجي نالي ڪئي آهي، جڏهن تھ ڀارت 2 ميچن ۾ ڪاميابي ماڻي هئي. ڀارت 9 وڪيٽن تي 165 رنسون ڪيون، جنهن ۾ سورياڪمار يادوو 61 رنسن سان نمايان رهيو، 4 بيٽر سنگل ڊجيٽ ۾ رهيا ۽ 2 کاتو کولڻ بنا موٽي ويا. جڏهن تھ بالر روماريو شيفرڊ 4 شڪار ڪيا. ويسٽ انڊيز 18 اوورن ۾ هدف ماڻي ورتو، جنهن ۾ برينڊن ڪنگ 6 ڇڪا ۽ 5 چوڪا هڻي 81 رنسون ٺاهي ٽيم کي ڪامياب ڪرايو.
