ملتان: تحريڪ انصاف جي اڳواڻ شاهه محمود قريشي پارٽي چيئرمين عمران خان جي پريس ڪانفرنس دوران ايندڙ ڪال بابت جواب ڏيڻ کان انڪار ڪري ڇڏيو. پرڏيهي خابرو اداري کي ڏنل انٽرويو ۾ شاهه محمود قريشي چيو ته پي ٽي آءِ سمجهي ٿي ته جلد نيون چونڊون سيپٽمبر جي آخر يا آڪٽوبر جي شروعات ۾ ڪرائي سگهجن ٿيون، جڏهن ته هاڻوڪي حڪومت دير ڪئي ته ملڪ جو نقصان ٿيندو، اليڪشن ڪميشن به تصديق ڪئي آهي ته هن وقت لائن جي اندر جلد چونڊون ممڪن آهن پر هن وقت جلد چونڊن جي رستي ۾ رڪاوٽ آصف زرداري آهي. هن چيو ته زرداري سمجهي ٿو ته جلد چونڊن ۾ هن جي پارٽي کي اندروني سنڌ کانسواءِ ڪٿان کان ڪجهه حاصل نه ٿيندو، آصف زرداري چاهي ٿو ن ليگ اقتدار ۾ رهي ۽ ڏکيا فيصلا به ڪري، هو چاهي ٿو ته پيپلز پارٽي بنا ڪنهن سياسي نقصان جي اقتدار ۾ به شريڪ رهي، زرداري چاهي ٿو ته ايندڙ چونڊن ۾ هو پنهنجي لاءِ رعايتون به وٺي سگھي.
