ڪلوئي ۾ آبادگارن جو مائينر ۾ دڪو لڳائڻ خلاف مظاهرو

ڪلوئي: ڪلوئي لڳ رڻ شاخ جي جهارو مائينر جي آبادگارن وزير ليل، فهيم ۽ مولا ڏنو ليل جي اڳواڻي ۾ بااثرن پاران دڪو لڳائڻ خلاف مظاهرو ڪري نعريبازي ڪئي. هنن چيو ته اسان جي جهارو مائينر جي پندرهين واٽر کي بااثر ماڻهن جي چوڻ تي آبپاشي عملي هٿرادو ڌڪو هڻي ڇڏيو آهي، جنهن ڪري اسان ڏانهن پاڻي ٺپ نٿو اچي، پندرهين واٽر کي ڌڪو هڻي وڏو ظلم ڪيو ويو آهي. هنن مطالبو ڪيو ته پندرهين واٽر کي لڳل ڌڪو هٽائي انصاف ڪيو وڃي.