ڊگھڙي: ڊگهڙي شھر جي جيمخانه ڪلب ۾ 2015ع ۾ اسسٽنٽ ڪمشنر اصغر جويو جي دور ۾ قائم ٿيل مير فتح خان ٽالپر لائبريري فعال نه ٿي سگهي. افتتاح وقت ڪجھه ڪتاب اسسٽنٽ ڪمشنر اصغر جويو جي دور ۾ خريد ڪري لائبريري جو افتتاح ڪرايو ويو، جنهن بعد ڪجهه ڪتاب اي سي ثناالله صدر جي دور ۾ خريد ڪيا ويا، جيڪي لائبريري جي المارين ۾ سجائي رکيا ويا، پر لائبريري انتظاميا جي لاپرواهي سبب 6 سالن کان غير فعال آهي، جنهن سبب شهر جا نوجوان ۽ شاگرد مطالعي ۽ پڙهائي ڪرڻ واري عمل کان محروم آهن. علم دوست ادبي ماڻھن جو چوڻ هو ته انتظاميا کي گهرجي ته لائبريري کي فعال بڻائڻ لا ڪتابن جو انگ وڌائڻ سان گڏ ادبي محفلون ۽ مختلف اسڪولن جي ٻارن کي گهرائي اسٽڊي سرڪل، تقريري ۽ سوالن جوابن جا مقابلا ڪرايا وڃن.
