آمريڪا جي صدر جو بائيڊن ملڪ ۾ معاشي ڪاميابين جو اعلان ڪندي چيو آهي تھ ملڪ ۾ نوڪرين ۾ اضافو ٿيو آهي ۽ ماڻهن جي پگهارن ۾ واڌ آئي آهي. معاشي ڪاميابين جي خوشي ۾ منعقد تقريب ۾ ڳالهائيندي هن ٻڌايو تھ گذريل وقت جي ڀيٽ ۾ هن وقت آمريڪا اندر روزگار جي موقعن ۾ تاريخي اضافو ٿيو آهي. هن جو چوڻ هو تھ جنوري مهيني ۾ 6.6 سيڪڙو تائين نوڪرين جا رڪارڊ موقعا پيدا ٿيا ۽ ماڻهن کي روزگار مليو آهي. هن چيو تھ ڪرونا وبا سبب پيدا ٿيل بيروزگاري جي شرح ۾ وڏي پيماني تي لاٿ آئي آهي ۽ ماڻهن جي پگهارن ۾ 5.7 سيڪڙو واڌ ڏٺي وئي آهي.
