راولپنڊي: پاڪستان-آسٽريليا سيريز جي ٽرافي جي پنڊي ڪرڪيٽ اسٽيڊيم ۾ رونمائي ڪئي وئي. ٻنهي ملڪن جي ڪرڪيٽ ليجنڊز جي نالي تي ٽرافي کي “بينو قادر ٽرافي” جو نالو ڏنو ويو آهي. پاڪستان ڪرڪيٽ ٽيم جي ڪپتان بابر اعظم ۽ آسٽريلوي ٽيسٽ ٽيم جي ڪپتان پيٽ ڪمنز ٽرافي جي رونمائي ڪئي ۽ ٽرافي سان گڏ تصويرون به ڪڍرايون. پاڪستان ڪرڪيٽ بورڊ (پي سي بي) ۽ ڪرڪيٽ آسٽريليا پاران گڏيل طور تي متعارف ڪرايل ٽرافي ليجنڊ ليگ اسپنرن عبدالقادر ۽ رچي بينوٽ جي نالي تي رکي وئي آهي.
ٻنهي جو مقصد آسٽريليا طرفان پاڪستان جي 24 سالن جي دوري جو جشن ملهائڻ آهي. پاڪستان جي مشهور ليگ اسپنر عبدالقادر آسٽريليا خلاف 11 ٽيسٽ ميچن ۾ 45 وڪيٽون ورتيون. ان دوران هن 1982ع ۽ 1988ع ۾ کيڏيل ٻن ٽن ٽيسٽ ميچن جي سيريز ۾ 33 وڪيٽون ورتيون. رچي بينوٽ جي اڳواڻي ۾ آسٽريليا 1959ع ۾ پاڪستان جو پهريون مڪمل دورو ڪيو، جنهن ۾ دوري واري ٽيم 2-0 تان ڪاميابي حاصل ڪئي.
