فريدآباد ۾ گرڊ اسٽيشن ۾ فني خرابي، ٽرانسفارمر کي باهه

فريدآباد: فريدآباد ۾ رات دير سان بجلي جي گرڊ اسٽيشن ۾ فني خرابي سبب ٽرانسفارمر کي اوچتو باھه لڳي وئي، جنهن بعد ٽرانسفارمر ڌماڪي سان ڦاٽي پيو، جڏهن ته ڌماڪي بعد شهر جي بجلي بند ٿي وئي ۽ ڪاروهنوار ٺپ ٿي ويو. اهڙي اطلاع تي سيپڪو جي ٽيڪنيڪل عملي گرڊ اسٽيشن پهچي باهه وسائي. ھوڏانھن گرڊ انچارج الطاف بروھي ٻڌايو ته فني خرابي سبب ٽرانسفارمر کي اوچتو باھه لڳي آهي، پر عارضي طور شهر ۽ ڳوٺن جي بجلي بحال ڪئي آهي.