حيدرآباد ۾ پبلڪ هيلٿ انجنيئرنگ آفيس تي ڇاپو، رڪارڊ ضبط

اينٽي ڪرپشن حيدرآباد جي سرڪل آفيسر اسد لاڙڪ پنھنجي ٽيم سان گڏ پبلڪ ھيلٿ انجنيئرنگ جي آفيس تي ڇاپو ھڻي ٻن سالن جو رڪارڊ ضبط ڪري ورتو. ان سلسلي ۾ سرڪل آفيسر اسد لاڙڪ ٻڌايو ته ڊرينيج سسٽم ۽ فلٽر پلانٽ جي مد ۾ من پسند ٺيڪيدار کي ايڊوانس ۾ ڪروڙين رپيا ڏنا ويا آھن، اھڙين شڪايتن تي اسان آفيس مان ٻن سالن جو رڪارڊ ضبط ڪري ورتو آھي، وڌيڪ جاچ ڪري ملوث ڪردارن کي قانون جي گرفت ۾ آندو ويندو.