جوهي ۾ صحافين تي تشدد ڪندڙن جي گرفتاري لا بک هڙتال

جوھي: جوهي ۾ صحافين تي تشدد ڪندڙ جوابدارن جي گرفتاري لا سينيئر صحافي وفا برھماڻي، پير بخش ٻٻر، منظور سيال، عرفان علي رند، منصور گاڏھي، حنيف لغاري، جان محمد گاڏھي سميت مختلف سياسي سماجي ڌرين جي اڳواڻن پي ٽي آ اڳواڻ ڪامريد محمد خان ڀرڳڙي، ڪامريڊ ايوب لغاري، ايس ٽي پي اڳواڻ ڪامريڊ يونس سولنگي ۽ ٻين نائين ڏينھن به احتجاج ڪندي پريس ڪلب جوھي آڏو علامتي بک ھڙتال ڪندي چيو ته صحافين مٿان تشدد ڪري ڪئمرائون ڦري حراسان ڪندڙ پ پ جوھي جا جيالا پوليس ۽ قانون کان مٿانھان آھن، سندن خلاف اڃا تائين ڪابه ڪارروائي نٿي سگھي، جوھي جا صحافي سراپا احتجاج آهن، پر پوليس عملدارن ۽ پ پ قيادت جي ڪن تي جون به نٿي چري.