گڏيل عرب امارتن ۾ منڪي پاڪس جي ٽن ڪيسن جي تصديق

ابوظهبي: گڏيل عرب امارتن ۾ منڪي پاڪس جا وڌيڪ 3 ڪيس سامهون اچي ويا. صحت واري وزارت طرفان جاري ڪيل بيان موجب سخت نگراني ۾ منڪي پاڪس جي 3 ڪيسن جي تصديق ٿي آهي، امارات ۾ ڪرونا وائرس جي ڀيٽ ۾ منڪي پاڪس جو ڦهلاءُ گهٽ آهي. صحت واري وزارت جو چوڻ آهي ته منڪي پاڪس سبب متاثر ٿيندڙن کي صحتيابي تائين اسپتال ۾ رکيو ويندو، جڏهن ته مريض سان ملاقات ڪندڙ شخص کي 21 ڏينهن تائين آئسوليشن ۾ رهڻو پوندو.