قمبر ويجهو جهيڙو، پورهيت گولي لڳڻ سبب زخمي

قمبر ويجهو ڳوٺ سعدالله چانڊيو ۾ معمولي ڳالهه تان جهيڙو ٿي پيو، جنهن دوران گولي لڳڻ سبب پورهيت نوجوان مير حسن چانڊيو زخمي ٿي پيو، زخمي چانڊڪا اسپتال ۾ داخل ڪيو ويو. زخمي پورهيت جي وارثن الزام لڳايو ته نوجوان مير حسن چانڊيو زمين تي ڪم ڪري رهيو هيو ته جوابدار ساجد چانڊيو بيگناھه گولي هڻي زخمي ڪيو آهي. هنن اختيارين کي اپيل ڪئي ته نوٽيس وٺي انوجوان کي زخمي ڪندڙ جوابدار کي گرفتار ڪري انصاف ڏياريو وڃي.