ويلز 64 سالن جي وڏي مدي بعد فٽبال ورلڊ ڪپ جي مقابلن ۾ ڪواليفائي ڪري ورتو آهي. ميڊيا مطابق قطر ۾ هلندڙ سال رٿيل ميگا ايونٽ جي ڪواليفائر ميچ ۾ ويلز يوڪرين کي هارايو ۽ ايونٽ ۾ ڪواليفائي ڪيو.
ميچ دوران ويلز جي رانديگر 34 منٽ ۾ ميچ جو اڪيلو گول ڪيو ۽ مخالف يوڪرين ڪوبھ گول نھ ڪري سگهي آهي. رپورٽ ۾ چيو ويو آهي تھ ويلز جي فٽبال ٽيم ورلڊ ڪپ ۾ پنهنجي آخري ميچ 1958ع ۾ کيڏي هئي. جڏهن تھ ڪواليفائي ميچ کٽڻ تي رانديگر خوشي ۾
هڪٻئي سان ڳلي ملي روئي پيا. ياد رهي تھ ويلز ورلڊ ڪپ جي گروپ بي ۾ ايران، آمريڪا ۽ انگلينڊ سان مقابلو ڪندو.
