اوٻاوڙو ڀرسان پنجاب جي علائقي چوڪ سويترا ڀنگ روڊ تي تيز رفتار ڪوچ جو موٽرسائيڪل سان ٽڪر ٿي پيو، جنهن جي نتيجي ۾ موٽرسائيڪل سوار 2 ڄڻا چيڀاٽجي فوت ٿي ويا. علائقي واسين جي اطلاع تي ڀونگ پوليس ۽ ريسڪيو 1122 جي ٽيم پهچي فوتين جا لاش کڻائي تعلقي اسپتال صادق آباد پھچايا. لاش پوسٽ مارٽم بعد وارثن حوالي ڪيا ويا، جيڪي مڙهه کڻائي گهر پهتا ته ڪھرام مچي ويو. فوتين جي سڃاڻپ عبدالهادي ۽ عبدالقيوم طور ٿي. فوتين جو تعلق نواز آباد سان ٻڌايو پيو وڃي. ڀنگ پوليس ڪوچ کي تحويل ۾ وٺي ڇڏيو. ڊرائيور موقعي تان فرار ٿي ويو. هوڏانهن آخري اطلاع تائين واقعي جو ڪيس داخل نه ٿي سگهيو.
