حيدرآباد: حيدرآباد ۾ تيزرفتار ٽرڪ جي ٽڪر ۾ زخمي ٿيل ٽريفڪ اهلڪار زخمن جي تاب نه سهندي فوت ٿي ويو. فوتي اهلڪار جي جنازي نماز پوليس لائين ۾ ادا ڪئي وئي، جتي ايس ايس پي حيدرآباد امجد شيخ سميت پوليس عملدار شرڪت ڪئي. خبر موجب حيدرآباد جي سخي پير ٿاڻي جي حد جي علائقي ستار شاهه قبرستان وٽ 2 ڏينهن اڳ تيز رفتار ٽرڪ موٽر سائيڪل کي ٽڪر هڻي ٽريفڪ پوليس اهلڪار خادم حسين کي زخمي ڪري ڇڏيو هو. جيڪو ڪالهه سول اسپتال ۾ زخمن جا تاب نه سهندي فوت ٿي ويو. فوتي جي گهر ۾ ڪهرام مچي ويو. فوتي اهلڪار جي رٽائرڊمينٽ ۾ هڪ سال بچيو هو، سندس هڪ پٽ پڻ پوليس اهلڪار آهي.
