اسلام آباد: حريت اڳواڻ ياسين ملڪ جي گهر واري مشعال ملڪ چيو آهي ته آسٽريلوي پارليامينٽيرين جي والاريل ڪشمير ۾ ڀارتي ظلم خلاف آواز اُٿارڻ تي شڪرگذار آهيان. آسٽريلوي پارليامينٽيرين ڀارت تي واضح ڪيو ته يو اين او جي قرارداد مطابق ڪشمير مسئلي جو حل ڪري. ملاقات دوران آسٽريلوي عورت سينيٽر کي ڀارتي ظلمن کان آگاهه ڪيو هو. گذريل ڏينهن پنهنجي بيان ۾ مشعال ملڪ چيو ته آسٽريلوي سينيٽر ڪشمير مسئلي تي آواز اُٿارڻ جي خاطري ڪرائي آهي. آسٽريلوي پارليامينٽيرين ڀارت کي ڪشميرين جو پيدائشي حق، خوداراديت واري حق ڏيڻ تي زور ڀريو، ڀارتي ظلمن تي عالمي انساني حقن جون تنظيمون آواز اُٿارين.
