برما ۾ هڪ نوجوان کي هلندڙ هوائي جهاز ۾ انڌي گولي لڳڻ جو حيران ڪندڙ واقعو پيش آيو، جنهن سبب هو سخت زخمي ٿي پيو آهي. پرڏيهي ميڊيا جي رپورٽ مطابق برما ۾ ڊوميسٽڪ اڏام دوران ڪنهن پاسي کان هلايل گولي جهاز جي دري کي چيري اندر ويٺل 27 ورهين جي نوجوان کي لڳي، جيڪو سخت زخمي ٿي پيو، جنهن وقت دري مان گولي داخل ٿي ان وقت جهاز 3 هزار فوٽن جي اوچائي تي اڏام ڪري رهيو هو. اختيارين موجب نوجوان کي گولي ڪن ۽ ڳچيءَ جي وچ ۾ لڳي پر سندس حالت خطري کان ٻاهر آهي. ايويئيشن عملدارن جو چوڻ آهي ته اڃا تائين اهو واضح ناهي ٿيو ته فائر ڪٿان ڪيو ويو، هي پنهنجي نوعيت جو پهريون ۽ حيران ڪندڙ واقعو آهي، جنهن جي جاچ لاءِ ڪميٽي جوڙي وئي آهي.
