انگلينڊ کي ٽرافي سان گڏ 35 ڪروڙ رپيا انعام، پاڪستان کي ساڍا 17 ڪروڙ ملندا

پاڪستان ڪرڪيٽ ٽيم کي ٽي-20 ورلڊڪپ جو فائنل هارائڻ باوجود انعام ۾ موچاري رقم ملي آهي. مليل ڄاڻ موجب ميلبورن جي ميدان ۾ ٽي-20 ورلڊ ڪپ جي رنر اپ ٽيم پاڪستان کي 8 لک ڊالر انعام ڏنو ويو آهي، اها رقم پاڪستاني ڪرنسي ۾ 17 ڪروڙ 50 لک رپين کان به وڌيڪ ٿئي ٿي، جڏهن ته عالمي چئمپين ٽيم انگلينڊ کي ٽرافي سان گڏوگڏ 16 لک ڊالر (35 ڪروڙ رپيا) انعام سان نوازيو ويو. اهڙي ريت سيمي فائنل ۾ هارائيندڙ ٻنهي ٽيمن ڀارت ۽ نيوزيلينڊ کي 4- 4 لک ڊالر مليا آهن.