آءِ جي جيل سنڌ قاضي نظير احمد سکر سينٽرل جيل جي جيل سپرنٽينڊنٽ شهاب الدين صديقي کي لاڙڪاڻو سينٽرل جيل جي جي اضافي چارج ڏئي ڇڏي، جنهن ڪالهه لاڙڪاڻو سينٽرل جيل پهچي عهدي جو چارج سنڀاليندي ڪم شروع ڪري ڇڏيو جتي پوليس جي جوانن کيس سلامي ڏني، بعد ۾ هن جيل عملي سان ملاقات ڪري تفصيل ورتا. ان موقعي تي جيل سپرنٽينڊنٽ شهاب الدين صديقي چيو ته لاڙڪاڻو سينٽرل جيل جي قيدين کي جيل مينوئنل موجب گهربل سهولتون فراهم ڪيون پيون وڃن ۽ ڪنهن کي به جيل جي ماحول کي خراب ڪرڻ جي اجازت نه ڏني ويندي. هن چيو لاڙڪاڻو جيل ۾ بهتر سڌارا آڻي عملي جي مسئلن کي به حل ڪيو ويندو ته جيئن کين ڊيوٽي ڪرڻ مشڪلاتون پيش نه اچن. هوڏانهن جيل سپرنٽينڊنٽ رانوتي ڪچي ۾ ڌاڙيلن جي حملي ۾ شهيد ٿيل ڊي ايس پي شهيد عبدالمالڪ ڀٽو جي تڏي تي پهچي وارثن سان تعزيت ڪندي گهري ڏک جو اظهار ڪيو.
