نصيرآباد ۾ ناري جمهوري محاذ پاران فهميده سيال، ناظم جوکيو جي قتل ۽ پاڪ ڪتاب جي بي حرمتي خلاف عابده چنا جي اڳواڻي ۾ ريلي ڪڍي مظاهرو ڪيو ويو. نصيرآباد ۾ ناري جمهوري محاذ تعلقي نصيرآباد پاران فهميده سيال، ناظم جوکيو جي قتل ۽ قرآن شريف جِي بيحرمتي ڪرڻ خلاف عابده چنا جِي اڳواڻي ۾ نوناري محلي کان ريلي ڪڍي آرٿر برانچ وٽ احتجاجي ڌرڻو هنيو ويو. ان موقعي تي ناري جمهوري محاذ جِي اڳواڻ ڪامريڊ عابده چنا، شازيا نوناري، عوامي ورڪرز پارٽي سنڌ جي اڳواڻ ڪامريڊ سينگار نوناري، پ پ شهيد ڀٽو اڳواڻ ڪامريڊ ابراهيم چانڊيو، رياض ڦلپوٽو، نجي چنا ۽ ٻين خطاب ڪندي چيو ته چار ڏينهن اڳ خيرپور جوسو ۾ ايم پي اي گھنور اسراڻ جي حڪم تي سندس هٿياربندن هٿان جهيڙي کي ختم ڪرڻ لاءِ قرآن پاڪ کڻي آيل نوجوان ناري فهميده سيال ۽ قرآن پاڪ مٿان سڌيون گوليون هلائيندڙ ايم پي اي گھنور اسراڻ ۽ درٻاري بڻيل پکو پوليس جي ايس ايڇ او مٿان قرآن پاڪ جِي بيحرمتي ۽ نوجوان ناري فهميده سيال جي قتل جو ڪيس داخل ڪري کين سخت سزا ڏني وڃي،
