لاڙڪاڻي ۾ پاڪستان سول سولجر آرگنائزيشن پاران پاڪ فوج جي حمايت ۾ ريلي ڪڍي وئي، جيڪا شهر جي مختلف روڊن رستن کان ٿيندي پريس ڪلب اڳيان پهتي. ان موقعي تي اڳواڻن غوث بخش مغيري، احسن سليمان ڪمبوهه، عبدالغفار شيخ، رستم علي شيخ، عبدالعزيز عباسي، غلام شبير ڪلهوڙو، محمد صالح جوڻيجو ۽ ٻين چيو ته هڪ منظم سازش تحت عوام جي دلين ۾ پاڪ فوج ۽ ادارن خلاف نفرت پيدا ڪئي پئي وڃي، جنهن خلاف پوري قوم ڇيهي جي ديوار بڻجي بيٺل آهي. هنن چيو ته پاڪ فوج اسان جي سرحدن جي محافظ آهي ۽ هميشه پاڪ فوج ڪنهن قدرتي آفت يا ڏکئي وقت ۾ قوم جي مدد ۾ شانه بشانه بيٺل هوندي آهي، پاڪ فوج جا حوصلا بلند آهن جيڪا اندروني توڙي بيروني سازشن کي عوام جي طاقت سان ختم ڪرڻ جي صلاحيت رکي ٿي. هنن مطالبو ڪيو ته پاڪ فوج ۽ ادارن خلاف نفرت پکيڙيندڙن خلاف سخت ڪارروائي ڪئي وڃي.
