ڏهرڪي: ڏهرڪي ۾ جسقم پاران ثقافتي ڏينهن سنڌي ميڊيا سٿ سان ملهائڻ لاءِ تياريون تيز ڪري ڇڏيون. ان حوالي سان جسقم اڳواڻن امتياز ڀٽو، فهيم ڏهر، جاويد ديشي، رحيم ديشي ۽ ٻين شهر جي مختلف بازارن سميت ڳوٺن جا دورا ڪري شهرين ۽ ڳوٺاڻن کي پروگرامن جا دعوت ناما ڏنا. ان موقعي تي امتياز ڀٽو، فهيم ڏهر ۽ ٻين چيو ته سنڌ جي ثقافت 5 هزار سال پراڻي آهي، جنهن لاءِ ايندڙ نسل کي هن اهم تهذيب بابت آگاهه ڪرڻ لاءِ سنڌي ميڊيا هر سال ثقافتي ڏينهن ملهائڻ جو اعلان ڪري ٿي، ثقافتي ڏينهن جي حوالي سان شهر ۾ هڪ شاندار ريلي ڪڍي ويندي.
