سنجهورو کان سائيڪل تي نڪتل جيالو نئون ديرو پهچي ويو

نئون ديرو: شهيد راڻي بينظير ڀٽو جي 15 هين ورسي تقريبن ۾ شرڪت لاءِ سنجهوري تعلقي کان 19 ڊسمبر تي سائيڪل تي نڪتل جيالو دلبر خان شيخ نئون ديرو پهچي ويو. پارٽي جهنڊي واري ڊريس پهريل جيالي شهيد راڻي بينظير پريس ڪلب ۾ ميڊيا کي ٻڌايو ته آئون هر سال ورسي ۾ شرڪت لاءِ سائيڪل تي ايندو آهيان، آئون ڳڙهي خدابخش ڀٽو پهچي شهيد قائدين جي مزار تي حاضري ڀري خراج عقيدت پيش ڪندس ۽ آئون 2017ع کان وٺي هر سال ورسي ۾ شرڪت لاءِ ايندو آهيان.