کپرو: کپرو ۾ 2 ڏينهن اڳ گم ٿيل گهوٽ دولت ولد اتم جو رتوڪوٽ ويجهو توري جي فصل مان تشدد ٿيل لاش هٿ آيو، نوجوان 2 ڏينهن اڳ گم ٿيو هو، جنهن بابت کاهي پوليس کي اطلاع ڏنو ويو. پوليس ڪيس داخل ڪري هڪ جوابدار کي گرفتار ڪري ورتو. پوليس جو چوڻ آهي ته دولت کي سندس سنڍو فتيو ڪولهي قتل ڪيو آهي، جيڪو کيس ڄڃ جي پويان آيو ۽ کيس فون ڪري گهران سڏي وٺي ويو هو، نوجوان گهوٽ دولت کي ڪهاڙين جا وار ڪري قتل ڪري لاش فصل ۾ اڇلايو ويو هو، مقتول جي سنڍو فتيو ڪوهي کي گرفتار ڪيو ويو آهي. ان سلسلي ۾ مقتول جي والد آتم موجب نوجوان پٽ جي 4 ڏينهن اڳ ڪنري شهر مان شادي ڪرائي هئي، پرڻي تي پٽ جو سنڍو فتيو ڪولهي ناراض هو، سالي سان شادي تي دولت کي قتل ڪيو اٿئين، انصاف ڪيو وڃي. ٻئي پاسي کاهي پوليس دولت جي والد جي فرياد تي فتيو ڪولهي ولد عيسرو ڪولهي تي ڪيس داخل ڪري کيس گرفتار ڪري ورتو آهي.
