سنجهورو: سنجهوري ويجهو ڳوٺ الهورايو ڀٽي ۾ 18 ورهين جي جوان پرڻيل ڇوڪري گلناز زال اعجاز ڀٽي جو باٿ روم مان مبينا ڦاهو لڳل لاش هٿ آيو. اطلاع تي پوليس پهچي لاش لهرائي مقامي اسپتال آندو، جتي وارثن شروعاتي ميڊيڪل چڪاس ڪرائڻ بعد پوسٽ مارٽم ڪرائڻ کان انڪار ڪري ڇڏيو، جنهن بعد پوليس ضروري ڪارروائي بعد لاش وارثن حوالي ڪيو. ان سلسلي ۾ ڇوڪري جي سندس والده، ناني ۽ ڏاڏي موجب هڪ مهينو اڳ سندس شادي ٿي هئي، هو پنهنجي ور سان خوشي خوشي زندگي گهاري رهي هئي، سندس آپگهات جو سبب سمجھه ۾ نه پيو اچي، گلناز مڙس، سس ۽ سهري جي گهر کان ٻاهر وڃڻ کانپو گهر ۾ موجود پنهنجي ڏيرياڻي ۽ نناڻ کي وهنجڻ جو چئي پاڻي جو ڪولر ڀري باٿ روم وئي، جتي هن ڪولر مان پاڻي هاري ان کي اونڌو ڪري مٿان چڙھي پنهنجي پوتي کي ڇت واري لڪڙي سان ٻڌي ڦاهو کاڌو، ڪافي دير کانپو گهر ۾ موجود ڏيرياڻي ۽ نناڻ جاچ ڪئي ته سندس لاش باٿ روم جي ڇت واري لڪڙي ۾ پوتي سان ٽنگيل هو، جنهن جو اطلاع ٻين گهرڀاتين کي ڏنو ويو ۽ پوليس کي آگاهه ڪيو ويو.
