ھوسڙي: حيدرآباد ۾ ڪاري موري وٽان 3 ڏينهن اڳ واھه ۾ ٽپو ڏيندڙ نوجوان جو ھوسڙي ويجھو ڦليلي واھه مان اميد علي شاهه درگاهه وٽان لاش مليو. ھوسڙي علائقي باغ واهه ۾ اميد علي شاهه درگاهه جي سامهون ڦليلي واھه ۾ نامعلوم لاش پاڻي ۾ لڙھندو ڏسي علائقي واسين پوليس کي اطلاع ڪيو، اطلاع تي ھوسڙي پوليس پهچي مقامي ماڻھن جي مدد سان لاش پاڻي مان ڪڍرائي سول اسپتال حيدرآباد کڻائي وئي، جتي نوجوان جي ڪاري موري واسي 21 ورهين جي محمد حسين پٽ سجاد گل اقبال طور سڃاڻپ ٿي، جنهن بعد لاش وارثن حوالي ڪيو ويو. پوليس ٻڌايو ته وارث جو چوڻ آهي ته حسيب گهرو اڻبڻت تان 3 ڏينهن اڳ واهه ۾ ٽپو ڏئي خودڪشي ڪئي هئي، جنهن جو لاش اڄ ھٿ آيو آھي.
