چوهڙ جمالي ڀرسان درگاهه شاهه يقيق تي ڪجھه ڏينهن اڳ ڪرڪيٽ جي ڳالھه تان منهن ماري کانپو ٻن جوابدارن اسنوڪر گيم جي دڪان تي ويٺل 28 سالن جي نوجوان يونس پٽ ڪارو درس کي چاقن جا وار ڪري قتل ڪري ڇڏيو، جڏھن ته ٻيو نوجوان بلاول درس سخت زخمي ٿي پيو. مقتول نوجوان جو لاش رورل هيلٿ سينٽر چوهڙ جمالي آندو ويو. ان موقعي تي مقتول نوجوان جي وارثن محمد صالح درس، نويد ۽ فاروق درس ٻڌايو ته ڪجھه ڏينهن اڳ ڪرڪيٽ جي ڳالھه تان يونس، غلام علي ۽ علي رضا جي وچ ۾ منهن ماري ٿي هئي، جنهن کانپو اڄ اسان جو نوجوان ڪراچي کان آيل مهمانن سان گڏ اسنوڪر گيم جي دڪان تي ويٺل هو ته ٻن ڄڻن علي رضا ۽ غلام علي پٽ حسين درس حملو ڪري چاقو جا وار ڪري قتل ڪري ڇڏيو، کيس ڇڏائۂڻ لا آيل بلاول کي سخت زخمي ڪري ڇڏيو.
