ڪرمپور : ڪرمپور ٿاڻي جي حد ڳوٺ غلام رسول بجاراڻي ڀرسان ڌاڙيلن هٿان 4 ڄڻا اغوا ٿي ويا آهن. نامعلوم هٿياربندن سڄڻ ميراڻي، نورالدين بهلڪاڻي، خدابخش ٽانوري ۽ الهڏنو لاشاري کي اغوا ڪري ويا. اغوا ٿيل 4 ئي ڄڻا ڪاسائي هئا. جيڪي شادي جي پروگرام ۾ گوشت ٺاھڻ ويا هئا ته واپس ايندي اغوا ٿي ويا. هٿياربندن مغوين جي هڪ ساٿي رڪشا واري کي ٻڌي اڇلائي ويا. جنهن بعد وارثن کي اطلاع ڏنو ويو. هوڏانهن وارثن پاران ڪرمپور ٿاڻي جي جمال چوڪي تي اطلاع ڏنو ويو، جنهن بعد پوليس ۽ مغوين جا وارث واقعي واري هنڌ پهچي. هٿياربندن جو پيڇو ڪيو. هٿياربند مغوين کي ڪچي طرف کڻي وڃڻ ۾ ڪامياب ٿي ويا آهن. هوڏانهن مغوين جي گهرن ۾ روڄ رواڙو مچي ويو آهي. علائقي ۾ خوف پکڙيل آهي.
