ميرپورماٿيلو: ميرپورماٿيلو ۾ نائين ڪلاس جي شاگردياڻي اغوا، اجتماعي زيادتي، 3 جوابدارن خلاف ڪيس داخل. تفصيل موجب ميرپورماٿيلي جي بينظير ڪالوني ۾ پورهيت جي گهر ۾ گهڙي نائين ڪلاس جي شاگردياڻي کي 3 جوابدار اغوا ڪري ويا، جنهن کان پو شاگردياڻي کي بيهوشي جي حالت ۾ ريلوي پٽڙي تي ڦٽو ڪري فرار ٿي ويا. جڏهن ته آواز اٿارڻ تي موٽرسائيڪل سوار جوابدارن متاثر شاگردياڻي جي ما کي وحشياڻي تشدد جو نشانو بڻايو. ٻئي طرف عورت تي تشدد جي وڊيو وائرل ٿي وئي. هوڏانهن متاثر نينگري کي بيهوشي جي حالت ۾ اسپتال داخل ڪيو ويو، جتي ميڊيڪل ڪيو ويو. ٻئي پاسي شاگردياڻي جي پي جي فرياد تي ٽن جوابدارن خلاف ڪيس داخل ڪيو ويو. جڏهن ته پوليس ٻڌايو ته جوابدارن جي گرفتاري لا ڳوٺ ڳڙهي چاڪر ۾ گهرن تي ڇاپا هنيا آهن، پر جوابدار گهر خالي ڪري فرار ٿي ويا آهن، جنهن کان پو پوليس چوڪيون قائم ڪري ورتيون آهن. جڏهن ته متاثر نينگري جي پي لڙڪ لاڙيندي ٻڌايو ته غريب آهيان، ڪير به ٻڌڻ لا تيار ناهي، آواز اٿارڻ تي جوابدار مارڻ جون ڌمڪيون ڏئي رهيا آهن، هنن منهنجي ڌي جي زندگي خراب ڪري ڇڏي آهي، گرفتار ڪري سخت سزا ڏني وڃي.
