روسي سوشل ميڊيا اسٽار قانون جي ڀڃڪڙي ڪرڻ تي گرفتار

ماسڪو: مشهور روسي سوشل ميڊيا اسٽار، ٽڪ ٽاڪر ۽ ميوزڪ پروڊيوسر حسب الله ميگو مدوف ۽ سندس ساٿين کي داغستان ۾ گرفتار ڪيو ويو. پرڏيهي ميڊيا رپورٽن موجب داغستان ۾ 20 ورهين جي حسب الله ۽ سندس ساٿين کي ٽريفڪ جي ڀڃڪڙي ڪرڻ تي گرفتار ڪيو ويو، مٿن شهر جي اهم شاهراهه بلاڪ ڪرڻ جو الزام آهي. حسب الله مبينا طور تي هڪ دوست جي شادي پنهنجي دوستن سان ملهائي رهيو هو ته اختيارين کيس گرفتار ڪري ورتو.