سرهاڙي: سرهاڙي جي وارڊ نمبر هڪ واٽر سپلائي ڀرسان ويٺل رهواسي ارشاد مڱڻهار پنهنجي مائٽن سان گڏ نيشنل پريس ڪلب پهچي ساهرن جي ظلم خلاف صحافين آڏو احتجاج ڪيو. هنن چيو ته مون 7 سال اڳ ڪائنات ڌي علي گل مڱڻهار سان پيار جو پرڻو ڪيو، سهرو علي گل مڱڻهار ۽ ٻيا وارث ممتاز علي نصير، ساجد مڱڻهار ۽ ٻيا مون کان زبردستي ڪري زال کي وٺي ويا، جيڪي هاڻ ڌمڪيون ڏين پيا ته زال کي طلاق ڏي، منهنجي زال کي قيد ڪيو ويو آهي، منهنجو ننڍڙو پٽ به انهن وٽ آهي، سهرو ۽ ٻيا زال کي ورغلائي مون کي ڪوڙن ڪيسن ۾ ڦاسائڻ جون ڌمڪيون ڏين پيا. هن گهر ڪئي ته زال ۽ پٽ کي بازياب ڪرائي انصاف ڪيو وڃي.
