قومپرست پارٽين جو اتحاد وقتائتو فيصلو آهي:رياض چانڊيو

حيدرآباد: جيئي سنڌ محاذ جي چيئرمين رياض علي چانڊيو ۽ ٻين اڳواڻن پارٽي جي اعليٰ سطحي اجلاس ۾ جيئي سنڌ رهبر ڪميٽي نالي ٺهيل اتحاد کي ساراهيندي ان جي 7 نقاطي ايجنڊا جي ڀرپور حمايت ڪئي آهي. اجلاس ۾ ڳالهائيندي رياض چانڊئي چيو ته جي ايم سيد جي فڪر جي پيروڪار پارٽين تاريخ جو وقتائتو فيصلو ڪيو آهي، اسان پنهنجي عوام وٽ ست نقاطي ايجنڊا کڻي وينداسين ۽ پُرامن جدوجهد ڪري سنڌ مان لاقانونيت، بک ۽ بدحالي جو خاتمو آڻينداسين.